Termiz davlat universitetida talabalarning yashash tarzi, odob-axloqi, ularning bo‘sh vaqtini mazmunli tashkil etish hamda talaba-qizlarga nisbatan zo‘ravonlikning oldini olish masalasiga qaratilgan profilaktik ishlarni amalga oshirish maqsadida talaba-qizlar uchun psixologik trening bo’lib o’tdi.
Unda Termiz davlat universiteti xotin-qizlar masalalari boʻyicha Kengash raisi D.Xamzayeva, Termiz shahar Kengashi deputati D.Normurodova, Surxondaryo Milliy gvardiya boshqarmasi Xotin-qizlar Kengashi raisi O. Ko’charova, Surxondaryo Milliy gvardiya boshqarmasi psixologi J.Qilichovalar ishtirok etishdi.
Tadbirda talabalarning huquqiy savodxonligini oshirish, hayot tarzi, tarbiyasi va ruhiyati masalalari bo'yicha ma'ruzalar qilindi. Shu bilan birga, talaba qizlarning bu boradagi fikrlari tinglandi.
