Oliy va oʻrta maxsus ta’lim vaziri Abduqodir Toshqulov 224 oʻrinli Termiz shahri Zilol koʻchasi 2 va 4 qavatli uylarning birinchi qavatida joylashgan boshlangʻich maktab va maktabgacha ta’lim muassasi maydonlarida bunyod etilayotgan talabalar turar-joyining qurilish jarayonlarini borib koʻrdi.
Bunyodkorlik ishlarining umumiy hajmi koʻzdan kechirilib, binoning keyingi rejalari muhokama qilindi. Vazir turar-joyning boʻlajak dizayni bilan tanishib, yotoqxona oʻrinlari sonini oshirish yuzasidan oʻz takliflarini berdi.
Vazir 1000 oʻringa moʻljallangan 7 qavatli Axborot texnologiyalari fakulteti oʻquv binosi qurilish jarayonini ham koʻzdan kechirdi.
Binodagi oʻquv auditoriyalar, axborot texnologiya laboratoriyalari va ma’muriy xonalar bilan birga, IT-park, 100 kishilik ma’ruza xonalari, 4 ta 100 kishilik konferensiya zallari, trenajyor va fitnes zallar loyihalashtirilgani haqida ma'lum berildi.
