TerDUning “Kelajak liderlari” 9-Surxondaryo okrug saylov komissiyasida bo’lishdi
Bugun, 9-Surxondaryo okrug saylov komissiyasida “Kelajak liderlari” klubi faollari bilan uchrashuv oʻtkazildi. Unda Termiz davlat universitetining faol talabalari ham ishtirok etishdi. Uchrashuvda 9-Surxondaryo okrug saylov komissiyasi raisi oʻrinbosari Chori Qurbonov okrug faoliyati, joylarda saylovga tayyorgarlik jarayonlarining borishi haqida tushuncha berib oʻtdi. Termiz shahar Adliya boʻlimi boshligʻi Abdusalim Jabborov saylov qonunchiligi, ovoz berish jarayonlarini tashkil etish mavzularini yoshlar klubi faollariga batafsil maʼlumotlarni taqdim etdi.
Tadbir ishtirokchilari 9-Surxondaryo okrug saylov komissiyasida yaratilgan sharoitlar bilan ham tanishtirildi.
