Termiz davlat universitetida yurtimizning barcha hududlaridagi professor-o‘qituvchilar, yosh olimlar ishtirokida “O’zbekistonda amaliyotchi psixologlari faoliyatida oilaviy muammolarni hal etishga kognitiv yondashuv istiqbollari” mavzusida Respublika ilmiy-amaliy konferensiyasi bo‘lib o‘tdi.
Konferensiya beshta sho’baga bo’lingan holda tashkil etildi hamda 200 ga yaqin maqolalar qabul qilindi.
Anjuman davomida oilada ota mavqei va ota bilan farzandlar o’rtasidagi munosabatlar psixologiyasi, oila mustahkamligini ta’minlashda oilaga psixologik xizmat ko’rsatishning asosiy omillari, zamonaviy oilalarda nizoning kelib chiqish sabablari va oqibatlari, bugungi kun talaba-yoshlarining ijtimoiy ruhiyatida ro’y berayotgan pozitiv o’zgarishlarni ta’lim-tarbiya jarayonida aks etishi, kasb tanlash muammosining metodologik tahlili kabi mavzularda ma'ruzalar qilindi.
